مسلم لیگ (ن) کے قائد اور سابق وزیر اعظم نواز شریف نے پاکستان واپس آنے کی تیاری شروع کر دی

لندن: (نمائیندہ انمول نیوز) مسلم لیگ (ن) کے قائد اور سابق وزیر اعظم نواز شریف نے پاکستان واپس آنے کی تیاری شروع کر دی۔

ذرائع کے مطابق نواز شریف نے ایون فیلڈ ریفرنس میں بری ہونے پر صاحبزادی مریم نواز کو مبارکباد پیش کی۔ انہوں نے وطن واپسی سے متعلق لیگل ٹیم کو ہدایات جاری کر دیں۔آمد سے قبل ان کی حفاظتی ضمانت کرائی جائے گی۔ اسحاق ڈار کےبعد مسلم لیگ ن کے قائد نواز شریف کی واپسی کا طریقہ کار بھی طے کرلیا گیا ہے۔
ذرائع کا کہنا ہے کہ حفاظتی ضمانت کےعرصے میں نواز شریف باقاعدہ ضمانت کیلئے پیش ہوں گے اور عدالت کی جانب سے ضمانت دینے یا جیل بھیجنےکا فیصلہ ہوگا۔

ذرائع کے مطابق نوازشریف کی آمد کا وقت کنفرم نہیں تاہم ہوسکتا ہے انتخابات سے قبل آئیں۔

خیال رہے چند روز قبل وفاقی وزیر داخلہ رانا ثنا اللہ نے کہا تھاکہ نواز شریف عام انتخابات سے قبل پاکستان آئیں گے۔

انھوں نے بتایا تھا کہ پارٹی نے درخواست کی تھی کہ اگلے الیکشن کی مہم میاں صاحب خود چلائیں اور نواز شریف نے آئندہ انتخابات کی مہم لیڈ کرنے کی پارٹی کی درخواست مان لی ہے۔