ڈونلڈ ٹرمپ کا 500 ارب ڈالر کے اسٹار گیٹ اے آئی پروجیکٹ کا اعلان

امریکی صدر ڈونلڈ ٹرمپ نے 500 بلین ڈالر کے اسٹار گیٹ آرٹیفیشل انٹیلی جنس (AI) منصوبے کا اعلان کیا۔واشنگٹن میں صحافیوں سے گفتگو کرتے ہوئے امریکی صدر نے کہا کہ اے آئی انفراسٹرکچر میں 500 بلین ڈالر کی سرمایہ کاری ہوگی۔ڈونلڈ ٹرمپ نے کہا کہ اوپن اے آئی، سافٹ بینک اور اوریکل اے آئی میں 500 بلین ڈالر کی سرمایہ کاری کریں گے جس سے 100,000 ملازمتیں پیدا ہوں گی۔انہوں نے کہا کہ اسٹار گیٹ فوری طور پر AI انفراسٹرکچر کی تعمیر شروع کر دے گا۔صدر ڈونلڈ ٹرمپ نے کہا کہ وہ ایلون مسک کا ٹک ٹاک خریدنے کے لیے تیار ہیں، میں نے ٹک ٹاک کے مالکان سے ملاقات کی ہے۔انہوں نے کہا کہ روسی صدر یوکرین کے معاملے پر مذاکرات کی میز پر آئیں، صدر پیوٹن مذاکرات کی میز پر نہ آئے تو روس پر پابندیاں عائد کرنا ممکن ہے۔ڈونلڈ ٹرمپ نے کہا کہ یورپی یونین یوکرین پر زیادہ خرچ کرے، ہم یوکرین کو اسلحہ بھیجنے کے مسئلے کو دیکھ رہے ہیں۔انہوں نے مزید کہا کہ چینیوں نے صدر سے کہا ہے کہ وہ یوکرین کے مسئلے کو حل کرنے میں مدد کریں، یکم فروری کو چین پر 10 فیصد ٹیرف پر بات ہو رہی ہے۔