بابر اعظم زیادہ مقبول یا شاہد آفریدی؟سابق کپتان کااہم دعویٰ سامنے آگیا

پاکستان کے سابق قومی کپتان اظہر علی نے کرکٹ کے لیجنڈ آل راؤنڈر شاہد آفریدی کے بعد مقبول ترین کھلاڑی قرار دے دیا۔ پاکستان کے سابق قومی کپتان اظہر علی نے سٹار بلے باز بابر اعظم کو لیجنڈ آل راؤنڈر شاہد آفریدی کے بعد سب سے مقبول قومی کرکٹر قرار دے دیا۔ ایک حالیہ انٹرویو میں اظہر علی نے بابر اعظم کی بیٹنگ کی مہارت کو سراہتے ہوئے کہا کہ اگرچہ وہ بابر اعظم کی کپتانی پر کئی بار تنقید کر چکے ہیں لیکن انہوں نے کبھی ان کی بیٹنگ پر سوال نہیں اٹھایا۔اظہر علی نے کہا کہ بابر نے اتنا عرصہ کپتانی کی، اس دوران انہیں دوسری ٹیم بنانا چاہیے تھی لیکن جب بیٹنگ کی بات آتی ہے تو وہ ملک کا نام روشن کرتے ہیں۔ سابق کپتان کا مزید کہنا تھا کہ بابر اعظم واحد پاکستانی کھلاڑی ہیں جنہوں نے اپنی بیٹنگ سے دنیا بھر میں شائقین کو متاثر کیا۔ہو سکتا ہے آپ کسی ٹورنامنٹ میں اچھا نہ کھیل سکیں لیکن بابر وہ واحد کھلاڑی ہے جو ہجوم کو دیوانہ بنا دیتا ہے، بالکل اسی طرح جیسے شاہد آفریدی اپنی ہارڈ ہٹنگ کے لیے مشہور تھے۔ اظہر علی نے کہا کہ بابر نے بھارت کی طرح اور دنیا بھر میں اپنا نام روشن کیا وہ قابل تعریف ہے۔ روایتی بلے باز ہونے کے باوجود انہیں جو پذیرائی مل رہی ہے وہ حیران کن ہے۔شاہد بھائی کے بعد بابر وہ پہلا کھلاڑی ہے جو بہت مقبول ہے۔ اظہر علی کے اس بیان کو شائقین اور کرکٹ ماہرین نے بابر اعظم کی مہارت اور مقبولیت کی ایک اور پہچان قرار دیا ہے۔ سابق کپتان کے اس بیان کے بعد سوشل میڈیا پر مداحوں کی جانب سے ملے جلے ردعمل کا اظہار کیا جا رہا ہے۔