پاکستان سٹاک ایکسچینج میں مندی کا رجحان، ڈالر سستا ہو گیا

پاکستان اسٹاک ایکسچینج میں کاروبار کے آغاز پر مندی کا رجحان رہا جبکہ انٹربینک ڈالر سستا ہوگیا۔ پاکستان اسٹاک ایکسچینج میں کاروبار کے آغاز پر 100 انڈیکس میں 192 پوائنٹس کی کمی دیکھی گئی، کاروبار کے دوران 100 انڈیکس 1 لاکھ 14 ہزار 849 پوائنٹس پر ٹریڈ کرتا دیکھا گیا۔گزشتہ روز اسٹاک مارکیٹ میں معمولی تیزی کے رجحان کے بعد سرمایہ کاروں کو اربوں کا نقصان ہوا، 802 پوائنٹس کی کمی اور 100 انڈیکس 115,420 پوائنٹس پر بند ہوا۔ گزشتہ روز سٹاک مارکیٹ میں 19 ارب 93 کروڑ 21 لاکھ 41 ہزار 649 روپے مالیت کے 33 کروڑ 80 لاکھ 91 ہزار 446 شیئرز کا لین دین ہوا۔ انٹربینک کاروبار کے دوران ڈالر 12 پیسے سستا ہوگیا، انٹر بینک میں ڈالر 278 روپے 70 پیسے کی سطح پر ٹریڈ کر رہا ہے۔