190 ملین پاؤنڈ کے فیصلے کو عالمی میڈیا نے کرپشنز کی ہیڈ لائنز دیں: وزیرِ اطلاعات

وفاقی وزیر اطلاعات عطا اللہ تارڑ کا کہنا ہے کہ 190 ملین پاؤنڈ کے فیصلے کو عالمی میڈیا نے کرپشن کی سرخیاں دیں۔190 ملین پاؤنڈ میگا کرپشن کیس پر گفتگو کرتے ہوئے انہوں نے کہا کہ اس کیس کے ٹھوس شواہد موجود ہیں، میاں بیوی نے 200 کنال زمین رشوت کے طور پر لی۔عطاء اللہ تارڑ کہتے ہیں کہ ٹرسٹ بنایا گیا، انگوٹھیاں لی گئیں، اس سے بڑی کرپشن کی کوئی مثال نہیں ملتی، مہر بند لفافہ کابینہ اجلاس میں لایا گیا۔وزیراطلاعات نے کہا کہ سپریم کورٹ نے بھی کہا کہ پیسہ ایک ہاتھ سے دوسرے ہاتھ منتقل ہوا، حکومت پاکستان کے پیسے کا غلط استعمال کیا گیا، اربوں روپے عوام میں تقسیم کیے گئے۔ان کا کہنا ہے کہ جو رقم ضبط کی گئی وہ حکومت پاکستان کی جائیداد تھی، پی ٹی آئی والے اب اس معاملے کو سیرت سے جوڑ رہے ہیں۔وفاقی وزیر نے کہا کہ مذہب کو سیاست سے دور رکھیں، اپنی کرپشن اور رشوت کا جواب دیں، مذہب کے پیچھے چھپ کر اپنے گھناؤنے جرائم کو چھپانے کی کوشش نہ کریں۔