پنجاب میں پیپلزپارٹی کو پلاننگ کے تحت کمزور کیا گیا ہے: گورنر پنجاب

منڈی بہاؤالدین: گورنر پنجاب سردار سلیم حیدر خان نے کہا ہے کہ پنجاب میں پیپلز پارٹی کو منصوبہ بندی کے تحت کمزور کیا گیا ہے۔منڈی بہاؤالدین میں ورکرز کنونشن سے خطاب کرتے ہوئے سردار سلیم حیدر خان نے کہا کہ پھالیہ میں یونیورسٹی آف گجرات کیمپس کے قیام کے لیے پوری کوشش کریں گے۔گورنر پنجاب نے کشتی حادثے میں جاں بحق ہونے والوں سے دکھ کا اظہار کرتے ہوئے کہا کہ غیر قانونی طور پر کشتی کے ذریعے یورپ جانے والے نوجوان کی موت افسوسناک ہے۔ آئی اے کو انسانی اسمگلنگ کے خلاف سخت کارروائی کرنے کی ہدایت دی گئی ہے۔سردار سلیم حیدر نے مزید کہا کہ انسانی سمگلروں کو گرفتار کرکے یہ کام بند کیا جائے اور اس حوالے سے وزیراعظم سے بھی بات کریں گے۔