پیکا ایکٹ ترمیمی بل صحافی تنظیموں کی جوائنٹ ایکشن کمیٹی نے مسترد کر دیا

صحافیوں کی تنظیموں کی جوائنٹ ایکشن کمیٹی نے پیکا ایکٹ میں ترمیم کا بل مسترد کر دیا۔جوائنٹ ایکشن کمیٹی نے کہا ہے کہ پیکا ایکٹ میں ترامیم صحافیوں کی تنظیموں سے مشاورت کے بغیر کی جا رہی ہیں۔جوائنٹ ایکشن کمیٹی PFUJ، APNS، CPNE، AMEND اور PBA پر مشتمل ہے۔جوائنٹ ایکشن کمیٹی کا کہنا ہے کہ پیکا ایکٹ میں ترامیم کا مسودہ ابھی تک شیئر نہیں کیا گیا۔واضح رہے کہ وفاقی وزیر قانون اعظم نذیر تارڑ نے گزشتہ روز قومی اسمبلی میں پریوینشن آف الیکٹرانک کرائم ایکٹ (پیکا) میں مزید ترمیم کا بل پیش کیا۔پیکا ایکٹ کے تحت جعلی خبروں کی سزا 3 سال اور 20 لاکھ روپے تک جرمانہ ہو گی۔ترمیمی بل کے مطابق سوشل میڈیا پروٹیکشن اینڈ ریگولیٹری اتھارٹی نئی شق 1A کے تحت قائم کی جائے گی۔اتھارٹی پیکا ایکٹ کی خلاف ورزی پر سوشل میڈیا پلیٹ فارم کے خلاف تادیبی کارروائی کا مجاز ہوگا۔