جمعتہ المبارک موسم کیسا رہے گا؟محکمہ موسمیات نے بتا دیا

آج ملک کے بیشتر علاقوں میں موسم سرد اور خشک رہے گا جب کہ پہاڑی علاقے شدید سرد رہیں گے۔ رپورٹ کے مطابق جمعہ کو اسلام آباد اور گردونواح میں موسم سرد اور خشک رہنے کا امکان ہے۔ خیبرپختونخوا کے بیشتر اضلاع میں موسم سرد اور خشک جبکہ بالائی اضلاع میں شدید سرد رہنے کا امکان ہے۔محکمہ موسمیات نے پیش گوئی کی ہے کہ دوسری جانب پنجاب کے بیشتر اضلاع میں موسم سرد اور خشک جبکہ مری، گلیات اور گردونواح میں موسم شدید سرد رہنے کا امکان ہے۔جبکہ بہاولنگر، بہاولپور، اوکاڑہ اور ساہیوال میں صبح/رات کے اوقات میں ہلکی دھند پڑنے کا امکان ہے۔ محکمہ موسمیات کا کہنا ہے کہ بلوچستان کے بیشتر اضلاع میں موسم سرد اور خشک جبکہ شمالی اضلاع میں شدید سرد رہنے کا امکان ہے۔ اس دوران سندھ کے بیشتر اضلاع میں موسم سرد اور خشک رہنے کا امکان ہے۔ سکھر، لاڑکانہ اور گردونواح میں صبح/رات کے اوقات میں ہلکی دھند پڑنے کا امکان ہے۔