صبا قمرنے سوشل میڈیا سے کنارہ کشی کیوں اختیارکی؟وجہ سامنے آگئی

معروف اداکارہ و ماڈل صبا قمر نے سوشل میڈیا سے عارضی کنارہ کشی کا اعلان کر دیا۔ فوٹو اور ویڈیو شیئرنگ ایپ انسٹاگرام پر شیئر کی گئی کہانی میں صبا قمر نے لکھا کہ زندگی میں کبھی کبھی خود کو بہتر محسوس کرنے کے لیے وقت دینے کے لیے ایک قدم پیچھے ہٹنا پڑتا ہے۔ معروف اداکارہ نے مزید کہا کہ وہ حالیہ دنوں میں سوشل میڈیا پر زیادہ متحرک نہیں ہیں۔لیکن ان کے مداحوں کو یہ احساس ہوا جس کے لیے وہ ان کے شکر گزار ہیں اداکارہ نے اپنے مداحوں کی محبت اور فکرمندی کا شکریہ ادا کرتے ہوئے وضاحت کی کہ وہ بالکل ٹھیک ہیں اور یہ وقفہ صرف عارضی ہے اور وہ جلد دوبارہ سوشل میڈیا پر ایکٹو ہو جائیں گی۔ یہ بھی پڑھیں: ستیہ اور رنگیلا جیسی فلموں کے ہدایت کار کو 7 سال پرانے چیک باؤنس کیس میں سزا سنائی گئی حال ہی میں صبا قمر کی ایک ویڈیو وائرل ہوئی تھی۔جس میں وہ ایک پرائیویٹ میگزین کے لیے فوٹو شوٹ کرتی نظر آئیں۔ ویڈیو وائرل ہوتے ہی انہیں صارفین کی جانب سے شدید تنقید کا سامنا کرنا پڑا جس کے بعد انہوں نے کچھ عرصے کے لیے سوشل میڈیا سے دور رہنے کا فیصلہ کیا۔