انضمام الحق کے بیٹے رشتہ ازدواج میں منسلک

پاکستان کرکٹ ٹیم کے سابق کپتان انضمام الحق کے گھر سے شادی کی گھنٹیاں بج اٹھیں۔ پی سی بی کے سابق چیف سلیکٹر کے بیٹے اور کرکٹر ابتسام الحق کی شادی ہوگئی۔ ان کی شادی کی خوبصورت تصاویر اور ویڈیوز سوشل میڈیا کی زینت بن گئیں۔ نکاح کی تقریب کی تصاویر دی آرٹسٹ فوٹوگرافی کے آفیشل انسٹاگرام پیج پر شیئر کی گئی ہیں۔سوشل میڈیا ذرائع کے مطابق ڈومیسٹک کرکٹ کھیلنے والے 24 سالہ ابتسام الحق کی شادی اقرا عامر نامی لڑکی سے ہوئی ہے۔ شادی کے اس پرمسرت موقع کے لیے جوڑے نے کریم کلر کے ملبوسات کا انتخاب کیا ہے، جس میں جوڑا بہت خوبصورت نظر آرہا ہے۔ انضمام الحق کے بیٹے اور کرکٹر ابتسام الحق کی تصاویر اور ویڈیوز سوشل میڈیا پر وائرل ہوتے ہی مداحوں کی جانب سے مبارکبادوں کا سلسلہ شروع ہو گیا ہے۔