انسٹاگرام پر اب آپ ایڈیٹنگ بھی کرسکتے ہیں، مگر کیسے؟

سوشل میڈیا شیئرنگ ایپلی کیشن انسٹاگرام نے اپنے صارفین کے لیے ایڈیٹس کے نام سے ایک ایڈیٹنگ ایپلی کیشن متعارف کرادی ہے۔اپنی ویڈیو پوسٹ میں انسٹاگرام کے بانی نے کہا کہ ایڈیٹس نامی ایڈیٹنگ اور ویڈیو ریکارڈنگ ایپلی کیشن iOS صارفین کے لیے پری آرڈر کے لیے فوری طور پر دستیاب ہے۔انہوں نے وضاحت کی کہ مذکورہ ایپ فوری طور پر ڈاؤن لوڈ اسٹورز پر عام لوگوں کے لیے دستیاب نہیں ہے، تاہم اسے ایک ماہ کے اندر ایپلی کیشن اسٹورز پر دستیاب کر دیا جائے گا۔اس کے علاوہ بہت جلد یہ ایپلی کیشن اینڈرائیڈ صارفین کے لیے بھی پیش کی جائے گی۔انہوں نے کہا کہ مذکورہ ایپلی کیشن صرف ایک عام ویڈیو ایڈیٹنگ ایپ نہیں ہے بلکہ اس سے اعلیٰ معیار کی ویڈیو ریکارڈ کرنا بھی ممکن ہے۔ایڈیٹس نامی مذکورہ ایپلی کیشن میں آرٹیفیشل انٹیلی جنس (AI) ٹولز بھی شامل کیے گئے ہیں جب کہ ایپ میں میوزک، ایفیکٹس سمیت دیگر فیچرز بھی شامل کیے گئے ہیں۔