اداکاری بہت پیچیدہ ہے‘، شاہد کپور کا اپنے بچوں کو بالی وڈ میں نہ لانے کا اعلان

بالی ووڈ کے نامور اداکار شاہد کپور نے اپنے بچوں کو فلم انڈسٹری میں نہ لانے کا اعلان کردیا۔بالی ووڈ میں بڑے ستاروں کے تقریباً سبھی بچے اپنے والدین کے نقش قدم پر چل کر انڈسٹری میں اپنی جگہ بنا رہے ہیں لیکن اداکار شاہد کپور ایسا بالکل نہیں چاہتے۔ایک پوڈ کاسٹ میں گفتگو کرتے ہوئے شاہد کپور نے کہا کہ وہ نہیں چاہتے کہ ان کے بچے بالی ووڈ میں آئیں۔انہوں نے کہا کہ بہت سی چیزیں ہیں جو میں چاہتا ہوں کہ میرے بچے مجھ سے سیکھیں، میں چاہتا ہوں کہ وہ قدرتی طور پر زیادہ پر اعتماد ہوں، جو میرے خیال میں دونوں ہیں۔ اداکار کا کہنا تھا کہ ’یار فلم میں مت آنا، کچھ اور کرو، بہت اتار چڑھاؤ ہیں، یہ بہت مشکل ہے، اگر وہ چاہیں تو یہ ان کی مرضی ہے، لیکن میں چاہوں گا‘بچوں کی پرورش کے حوالے سے بات کرتے ہوئے شاہد کپور نے کہا کہ میں ہمیشہ اپنے بچوں کو صحیح کام کرنے کی ترغیب دوں گا۔