ڈونلڈ ٹرمپ نے سعودی ولی عہد محمد بن سلمان کو عظیم شخص قرار دیدیا

امریکی صدر ڈونلڈ ٹرمپ نے سعودی ولی عہد محمد بن سلمان کو عظیم انسان قرار دیا۔امریکی میڈیا کے مطابق ڈیووس کانفرنس میں خطاب کے دوران ڈونلڈ ٹرمپ نے کہا کہ سعودی ولی عہد محمد بن سلمان ایک عظیم انسان ہیں جن کے ساتھ ان کے اچھے تعلقات ہیں۔ڈونلڈ ٹرمپ نے کہا کہ آج کے اخبارات میں خبر آئی کہ سعودی عرب آنے والے وقت میں امریکہ میں 600 بلین ڈالر کی سرمایہ کاری کرے گا۔امریکی صدر نے کہا کہ وہ سعودی ولی عہد سے امریکہ میں سرمایہ کاری کی رقم 1000 ارب ڈالر تک بڑھانے کے امکانات پر بات کریں گے۔شہزادہ محمد بن سلمان نے امریکی صدر ڈونلڈ ٹرمپ کو عہدہ سنبھالنے پر مبارکباد دی اور امریکی قیادت اور عوام کے لیے نیک خواہشات کا اظہار کیا۔دونوں رہنماؤں نے دو طرفہ تعلقات اور باہمی امور پر تبادلہ خیال کرتے ہوئے سرمایہ کاری اور تجارتی تعلقات کو مزید فروغ دینے پر اتفاق کیا۔