حکومت سے مذاکرات : عمران خان نے 28 جنوری کی بیٹھک کے لیے شرط عائد کردی

پی ٹی آئی کے سیکرٹری جنرل سلمان اکرم راجہ نے کہا ہے کہ عمران خان کی ہدایات کے مطابق ہم 28 جنوری کے مذاکراتی دور میں مذاکراتی کمیٹی اور عمران خان کی ملاقات تک نہیں بیٹھیں گے۔اڈیالہ جیل کے باہر گفتگو کرتے ہوئے انہوں نے کہا کہ آج بانی عمران خان سے تفصیلی بات چیت ہوئی، پی ٹی آئی کے بانی اس حقیقت سے واقف ہیں کہ گولیاں چلائی گئیں، فسطائیت کا ماحول ہے، ہمارے مطالبات کا مذاق اڑایا گیا۔ہم پاکستانی عوام کو بتائیں کہ اس دن کیا ہوا، وہ کہتے ہیں کوئی گولی نہیں چلائی، ہمارے بھی شہید اور زخمی ہیں۔انہوں نے کہا کہ علی امین پر صوبہ کے پی میں بہت سی ذمہ داریاں ہیں۔ علی امین کی خواہش پر بانی نے فیصلہ کیا ہے کہ جنید اکبر کے پی کے صدر جب کہ وزیر اعلیٰ کے پی کے علی امین ہی رہیں گے۔ بی ترجمان ہیں، پارٹی کے اپنے عہدے ہیں، بشریٰ بی بی کو کوآرڈینیشن کی ضرورت ہے، پارٹی کے عہدیداران پارٹی کا کام کریں گے۔سلمان اکرم راجہ نے کہا کہ عالیہ حمزہ ہماری عظیم کارکن ہیں، ان کا بڑا کردار ہے، پی ٹی آئی کے بانی کا خیال ہے کہ عالیہ حمزہ کو پنجاب میں بڑا عہدہ دیا جائے، ہم بیٹھ کر پنجاب میں عالیہ حمزہ سے متعلق اہم فیصلہ کریں گے۔انہوں نے کہا کہ شیر افضل مروت کے معاملے سے میرا براہ راست کوئی تعلق نہیں، پارٹی سطح پر معاملہ ہوگا، عاطف خان ہمارے ایم این اے ہیں۔