شوبزمیں بنددروازوں کے پیچھے کیاہوتاہے؟نادیہ حسین نے پردہ اٹھادیا

معروف ماڈل و اداکارہ نادیہ حسین نے شوبز انڈسٹری کے کئی تلخ حقائق کا انکشاف کر دیا نادیہ حسین اداکارہ اور ماڈل ہونے کے ساتھ ساتھ بزنس وومن بھی ہیں، وہ تقریباً دو دہائیوں سے پاکستان کی فیشن انڈسٹری کا حصہ ہیں۔ حال ہی میں نادیہ حسین نے ایک پروگرام میں بطور مہمان شرکت کی جہاں انہوں نے شوبز انڈسٹری کے تاریک پہلو اور ناجائز تعلقات پر کھل کر بات کرتے ہوئے کہا کہ وہ سب کچھ دیکھ چکی ہیں اور جانتی ہیں کہ بند دروازوں کے پیچھے کیا ہوتا ہے۔نادیہ حسین نے انکشاف کیا کہ کس طرح بااثر لوگ، عام طور پر مرد، ملازمت کے خواہاں نوجوانوں اور خواتین سے غیر معقول مطالبات کرتے ہیں۔ معروف اداکارہ کا کہنا تھا کہ انڈسٹری میں پہلے ہی پہچان حاصل کرنے کے باوجود انہیں کئی مواقع پر ایسے حالات کا سامنا کرنا پڑا، ایک بار انہیں ایک پروگرام کی میزبانی کی پیشکش ہوئی اور انہیں ’خصوصی ڈنر‘ پر بھی مدعو کیا گیا۔ جیسا کہ توقع تھی، تاہم، اس نے واضح طور پر اس پیشکش کو مسترد کر دیا اور کام پر نہیں گئی۔