ایگزیکٹو آرڈر نہ ماننے پر ڈونلڈ ٹرمپ کی کولمبیا پر نئی پابندیاں

امریکی صدر ڈونلڈ ٹرمپ نے امیگریشن سے متعلق ایگزیکٹو آرڈر کی تعمیل نہ کرنے پر کولمبیا پر نئی اقتصادی اور سفری پابندیاں عائد کر دی ہیں۔سوشل میڈیا ویب سائٹ ایکس پر اپنے بیان میں ڈونلڈ ٹرمپ نے لکھا کہ انہوں نے کولمبیا پر ٹیرف اور ویزا پابندیوں کا حکم دیا ہے۔انہوں نے کہا کہ کولمبیا کو امریکہ آنے والی تمام اشیا پر 25 فیصد ٹیرف ادا کرنا ہو گا، جسے ایک ہفتے میں بڑھا کر 50 فیصد کر دیا جائے گا۔ڈونلڈ ٹرمپ نے کہا کہ ان کی انتظامیہ کولمبیا کے سرکاری اہلکاروں کے ساتھ ساتھ صدر کے اہل خانہ اور معاونین پر “سفر اور ویزا پابندیاں” عائد کرے گی۔اس سے قبل گستاو پیٹرو نے کہا تھا کہ وہ تارکین وطن کو لے جانے والی پروازوں کو اس وقت تک روک دیں گے جب تک کہ تارکین وطن کو باوقار طریقے سے نہیں بھیجا جاتا۔