سوڈان میں اسپتال پر حملہ، 70 افراد ہلاک

سوڈان کے ایک ہسپتال پر مسلح افراد نے حملہ کر کے 70 افراد کو ہلاک کر دیا۔سوڈان کے شہر الفشر میں ایک ہسپتال پر حملے میں 70 افراد ہلاک ہو گئے۔ غیر ملکی میڈیا کے مطابق حملہ سعودی میٹرنل ہسپتال پر کیا گیا جس کا الزام باغی گروپ آر ایس ایف کے جنگجوؤں پر عائد کیا جا رہا ہے۔عالمی ادارہ صحت کے مطابق الفشر شہر میں یہ واحد فعال طبی مرکز ہے جسے مسلح افراد نے نشانہ بنایا۔سعودی وزارت خارجہ نے ہسپتال پر حملے کی شدید مذمت کرتے ہوئے اسے بین الاقوامی قوانین کی سنگین خلاف ورزی قرار دیا۔سوڈانی فوج نے دعویٰ کیا ہے کہ اس نے باغیوں کو الفشر شہر سے باہر نکال دیا ہے اور ایک اہم آئل ریفائنری کا کنٹرول سنبھال لیا ہے۔