یوکرین کا جنگ کے خاتمے کیلئے ٹرمپ کی مشروط حمایت کا اعلان

یوکرین کے صدر ولادیمیر زیلنسکی نے کہا ہے کہ وہ جنگ کے خاتمے کے لیے امریکی صدر ٹرمپ کے اقدامات کی حمایت کریں گے۔بین الاقوامی میڈیا کے مطابق صدر ولادیمیر زیلنسکی نے کہا ہے کہ ڈونلڈ ٹرمپ جنگ کے خاتمے کا اپنا وعدہ پورا کرنے کی صلاحیت رکھتے ہیں اور ہم اس معاملے پر ان کے ساتھ ہیں۔انہوں نے کہا کہ شرط صرف یہ ہے کہ کیف کو جنگ بندی کے حوالے سے ہونے والے مذاکرات میں شامل کیا جائے۔یوکرین کے صدر نے کہا ہے کہ اگرچہ ہم آج یہ نہیں کہہ سکتے کہ جنگ بندی معاہدے کی ممکنہ شرائط کیا ہوں گی کیونکہ روس جنگ ختم کرنے میں دلچسپی نہیں رکھتا۔ولادیمیر زیلنسکی نے مزید کہا کہ ٹرمپ نے اپنی انتخابی مہم کے دوران دعویٰ کیا تھا کہ وہ 24 گھنٹوں کے اندر یوکرین کو ختم کر دیں گے۔ انہوں نے یہ بھی کہا کہ ہم جنگ بندی کی ممکنہ شرائط کے بارے میں ابھی کچھ نہیں کہہ سکتے لیکن ہم جانتے ہیں کہ ٹرمپ جنگ کے خاتمے کے لیے سنجیدہ ہیں۔