شریف خاندان کے ارکان پر پرتشدد حملے کا خطرہ، لندن پولیس نے خبردار کردیا،تفصیلات جان کرآپ بھی یقین نہیں کر پائیں گے

لندن میں شریف خاندان کے افراد پر نامعلوم افراد کے پرتشدد حملے کا خطرہ ہے، میٹ پولیس نے شریف خاندان کے افراد کو اس حوالے سے خبردار کیا ہے۔ ذرائع کا کہنا ہے کہ ویسٹ مڈلینڈز پولیس نے لندن کی میٹروپولیٹن پولیس کو ممکنہ حملے کے خطرے سے آگاہ کر دیا۔ذرائع نے بتایا کہ ویسٹ مڈلینڈز پولیس کو انٹیلی جنس مانیٹرنگ سسٹم سے حملے کی اطلاع ملی۔ذرائع کا کہنا ہے کہ سکاٹ لینڈ یارڈ کے افسران ایون فیلڈ فلیٹ گئے اور شریف خاندان کے افراد کو خطرے سے آگاہ کیا۔پولیس نے شریف خاندان کے افراد سے کہا ہے کہ وہ چوکس رہیں اور نقل و حرکت میں احتیاط برتیں۔دو ہفتے قبل گلفام حسین کو پولیس نے ایون فیلڈ کے باہر سے گرفتار کیا تھا جب کہ انہیں فلیٹس کے قریب جانے سے روک دیا گیا تھا۔تاہم ذرائع کا کہنا ہے کہ گلفام حسین کی گرفتاری کا تعلق ویسٹ مڈلینڈز پولیس کی وارننگ سے نہیں ہے۔حملے کی دھمکی کے حوالے سے رابطہ کرنے پر شریف خاندان نے کوئی جواب نہیں دیا۔ شریف خاندان کے بیشتر افراد اب پاکستان منتقل ہو چکے ہیں۔