ازبک گرینڈ ماسٹر کا بھارتی کھلاڑی کیساتھ ہاتھ ملانے سے انکار

ازبک گرینڈ ماسٹر نودیربیک یاکوبیوف نے بھارتی گرینڈ ماسٹر آر ویشالی سے مصافحہ کرنے سے انکار کرکے ایک نیا تنازع کھڑا کردیا۔میڈیا رپورٹس کے مطابق یہ واقعہ ٹاٹا اسٹیل شطرنج ٹورنامنٹ کے دوران اس وقت پیش آیا جب وہ میز پر ویشالی کے ساتھ مقابلے کے لیے موجود تھے۔ .نودیربیک یاکوبیوف کی جانب سے بھارتی حریف کو ہاتھ کے اشارے سے جھٹلانے کی ویڈیو بھی سوشل میڈیا پر وائرل ہوگئی جس کے بعد ازبک گرینڈ ماسٹر پر تنقید شروع ہوگئی۔واقعے کی وضاحت کرتے ہوئے ازبک کھلاڑی کا کہنا تھا کہ اس فعل کا مقصد کسی کی توہین کرنا نہیں تھا بلکہ اس کا طرز عمل مذہبی وجوہات پر مبنی تھا۔سوشل میڈیا سائٹ پر اپنے پیغام میں انہوں نے کہا کہ بھارتی شطرنج کی کھلاڑی کے مکمل احترام کے ساتھ کہنا چاہتا ہوں کہ میں مذہبی وجوہات کی بنا پر دوسری خواتین کو ہاتھ نہیں لگاتا۔