اگر 20 کروڑ ملیں تو چاہت فتح کے ساتھ گانا گائیں گے؟ علی حیدر نے سوال پر کیا جواب دیا؟

گلوکار، مصنف اور موسیقار علی حیدر نے سوشل میڈیا پر مشہور ہونے والے چاہت فتح علی خان کے ساتھ گانا گانے سے انکار کر دیا۔حال ہی میں علی حیدر نے نجی ٹی وی کے ایک پروگرام میں شرکت کی جہاں انہوں نے میزبان کے دلچسپ سوالات کے جوابات دیے۔میزبان نے پوچھا کہ اگر میں 20 کروڑ دوں تو کیا آپ چاہت فتح علی خان کے ساتھ کوئی گانا گائیں گے؟اس پر علی حیدر نے کہا کہ میں چاہت فتح کے ساتھ گانا نہیں گاؤں گا۔چاہت کو اس کی زندگی جینے دیں، یہ اس کا وقت ہے، آپ نہیں جانتے کہ اللہ نے کون سی دعا پوری کی ہے، اس لیے اس کے اور اللہ کے درمیان مت آنا، آپ اسے کامیڈین، انٹرٹینر یا جو چاہیں کہہ سکتے ہیں۔ کہہ سکتے ہیں لیکن جینے دیں۔