اداکار خوشحال خان کا باکسنگ کی دنیا میں قدم، حریف کو دھول چٹادی

پاکستانی اداکار خوشحال خان نے اداکاری کے ساتھ ساتھ باکسنگ کی دنیا میں بھی قدم رکھا۔لاہور میں ورلڈ باکسنگ میچ کا انعقاد کیا گیا جس میں اداکار خوشحال خان بھی رنگ میں داخل ہوئے اور اپنے حریف بشر خان کو شکست دی۔خوشحال خان کی باکسنگ کی یہ ویڈیو بھی سوشل میڈیا پر وائرل ہو رہی ہے، جس میں انہیں اپنی کامیابی کا جشن مناتے ہوئے دیکھا جا سکتا ہے۔خوشحال خان کو سپورٹ کرتے ہوئے ان کے دوست اداکار علی رضا اور سحر حیات بھی اداکار کی کامیابی کا جشن منانے کے لیے وہاں موجود تھے۔اداکار کو اس کامیابی پر ان کے مداحوں کی جانب سے سراہا جا رہا ہے۔