پاک فضائیہ دنیا کی طاقتور ترین ہوائی افواج میں ساتویں نمبر پر

پاک فضائیہ نے دنیا کی طاقتور ترین فضائیہ کی فہرست میں ساتویں پوزیشن حاصل کر لی۔گلوبل فائر پاور ڈاٹ کام کی رپورٹ کے مطابق پاکستان ایئر فورس دنیا کی بہترین فضائی افواج میں سے ایک ہے جس نے اپنے بیڑے میں 1434 طیارے شامل کرکے اہم ترین کردار ادا کیا ہے۔گلوبل فائر پاور طیاروں کی تعداد اور اقسام کا جائزہ لے کر اپنی درجہ بندی کا تعین کرتا ہے۔امریکی فضائیہ دنیا کی سب سے بڑی فضائیہ ہے جس کے پاس 5,737 ہیلی کاپٹر، 1,854 لڑاکا طیارے اور 3,722 معاون طیارے ہیں، جبکہ اس کا سالانہ دفاعی بجٹ $800 بلین ہے۔ رہا ہےرپورٹ کے مطابق، یوکرین میں جاری تنازع کے باوجود، روس نمایاں فضائی صلاحیتوں کے ساتھ ایک غالب طاقت ہے، جب کہ چین کی فضائیہ جدید ٹیکنالوجیز کا اضافہ کر رہی ہے، جن میں چھٹی نسل کے لڑاکا طیارے اور سپرسونک طیارے شامل ہیں۔پاک فضائیہ کی اہمیت نہ صرف عالمی سطح پر بلکہ جنوبی ایشیا میں بھی بے مثال ہے، جہاں یہ ایک اہم کھلاڑی ہے، مصر، ترکی اور فرانس بھی ٹاپ 10 میں شامل ہیں۔