ڈی جی ایف آئی اے اور آئی جی کے پی کو عہدوں سے ہٹادیا گیا

ڈائریکٹر جنرل (ڈی جی) ایف آئی اے احمد اسحاق جہانگیر اور انسپکٹر جنرل (آئی جی) خیبرپختونخوا پولیس اختر حیات کو ان کے عہدوں سے ہٹا دیا گیا۔ڈی جی ایف آئی اے احمد اسحاق جہانگیر کو عہدے سے ہٹا دیا گیا، اسٹیبلشمنٹ میں احمد اسحاق جہانگیر کو او ایس ڈی بنانے کا نوٹیفکیشن بھی جاری کر دیا گیا ہے۔ذرائع کا کہنا ہے کہ حالیہ دنوں میں انسانی سمگلنگ کے متعدد کیسز میں ایف آئی اے افسران کے ملوث ہونے کے کیسز سامنے آئے ہیں۔دوسری جانب آئی جی خیبرپختونخوا اختر حیات کو ہٹانے کا نوٹیفکیشن بھی جاری کر دیا گیا ہے۔ذرائع کا کہنا ہے کہ آئی جی کے پی کو عہدے سے اس لیے ہٹایا گیا کیونکہ وہ طویل عرصے سے صوبے میں امن و امان کی صورتحال برقرار رکھنے میں ناکام ثابت ہو رہے تھے۔یاد رہے کہ برطرف آئی جی پی اختر حیات نے نومبر 2024 میں پی ٹی آئی کے احتجاج کے موقع پر تمام پولیس افسران کو ہدایت کی تھی کہ وہ کسی بھی قسم کی سیاسی سرگرمیوں میں حصہ نہ لیں۔