گرینل نے بانی پی ٹی آئی کےحق میں بیانات دیے

امریکی صدر ڈونلڈ ٹرمپ کے خصوصی مشیر رچرڈ گرینل حال ہی میں بانی پی ٹی آئی کے حق میں بیانات دینے پر پاکستانی سیاست دانوں کی توجہ کا مرکز بنے ہوئے ہیں۔حکومتی اور اپوزیشن ارکان ان کے سوشل میڈیا بیانات اور ان بیانات کے ممکنہ اثرات پر تبصرہ کرتے نظر آئے۔پی ٹی آئی کے بانی کے ریلیز کے بیانات کو پی ٹی آئی کے کارکنوں نے بھی ری ٹویٹ کیا۔ ایک موقع پر گرینل نے پاکستان کے میزائل پروگرام پر بائیڈن انتظامیہ کی پالیسی پر بھی تنقید کی ہے۔انہوں نے یہ بھی کہا ہے کہ عمران اور ٹرمپ کے دور میں پاکستان اور امریکا کے تعلقات بہتر تھے تاہم چند روز قبل رچرڈ گرینل نے 11 دسمبر 2024 سے پہلے کی اپنی تمام ٹویٹس ڈیلیٹ کر دی تھیں، ریلیز کا ایک ٹویٹ برقرار رکھا گیا ہے۔مبصرین کے مطابق اہم شخصیات کا نیا عہدہ سنبھالنے پر پرانی ٹویٹس کو حذف کرنا ایک عام سی بات ہے۔