“بگ باس”سے دوبارہ پیشکش ہوئی مگر ٹھکرا دی، وینا ملک کا انکشاف

معروف اداکارہ اور میزبان وینا ملک نے انکشاف کیا ہے کہ انہیں دوبارہ ’بگ باس‘ میں شرکت کی پیشکش ہوئی تھی لیکن اپنے بچوں کے ساتھ وقت گزارنے کے لیے اسے ٹھکرا دیا۔ وینا ملک نے حال ہی میں ایک نجی تقریب میں شرکت کی، جہاں انہوں نے اپنی پسندیدہ بالی ووڈ شخصیات اور بھارتی شوبز انڈسٹری میں اپنے وقت کے بارے میں بھی بات کی۔وینا ملک نے گفتگو کے دوران کہا کہ کسی بھی اداکار کو موقع ملے تو وہ بالی ووڈ کے خانز کے ساتھ کام کرنا پسند کرے گی لیکن وہ خاص طور پر شاہ رخ خان کے ساتھ کام کرنا چاہیں گی۔ ان کا مزید کہنا تھا کہ ہندوستان میں ان کی ملاقات بالی ووڈ کے کئی مشہور ستاروں سے ہوئی جن میں خان بھی شامل ہیں۔وینا نے انکشاف کیا کہ وہ سلمان خان سے ان کے فارم ہاؤس پر بھی مل چکی ہیں، لیکن انہوں نے ان ملاقاتوں کو کبھی بڑھا چڑھا کر پیش نہیں کیا۔ویڈیو وائرل وینا ملک نے کہا کہ بگ باس ایک بڑا پلیٹ فارم ہے اور اس کی اپنی مخصوص ویورشپ ہے، شوبز انڈسٹری میں اکثر تنازعات وائرل ہوتے رہتے ہیں، اور بگ باس ایسا ہی ایک شو تھا، مجھے دوبارہ بگ باس میں شرکت کی پیشکش ہوئی۔ لیکن اپنے بچوں کے ساتھ وقت گزارنے کا موقع ٹھکرا دیا۔