صدر ٹرمپ کا طیارہ حادثے پر اظہار افسوس، تحقیقات کا آغاز

امریکی صدر ڈونلڈ ٹرمپ نے رونالڈ ریگن ایئرپورٹ پر طیارے کے حادثے پر گہرے دکھ کا اظہار کرتے ہوئے کہا کہ تحقیقات کا عمل جاری ہے۔صدر ڈونلڈ ٹرمپ نے وائٹ ہاؤس میں پریس بریفنگ کے دوران کہا کہ ڈی سی ایریا میں رونالڈ ریگن ایئرپورٹ کے قریب مسافر طیارے اور آرمی ہیلی کاپٹر کے درمیان تصادم میں کوئی زندہ نہیں بچا۔صدر ٹرمپ نے کہا کہ ہم بحیثیت قوم ہر اس قیمتی جان پر غمگین ہیں جو اچانک ہم سے چھین لی گئی۔انہوں نے مزید کہا کہ حادثے کی وجہ ابھی تک واضح نہیں ہے، اور یہ کہ امریکی فوج اور نیشنل ٹرانسپورٹیشن سیفٹی بورڈ اس وقت حادثے کی تحقیقات کر رہے ہیں۔صدر ٹرمپ نے کہا کہ “ہم یہ جان لیں گے کہ یہ تباہی کیسے ہوئی اور اس بات کو یقینی بنائیں گے کہ ایسا دوبارہ کبھی نہ ہو۔”