امریکی خاتون نے خلا میں سب سے زیادہ چہل قدمی کا ریکارڈ بنا ڈالا

ناسا کی خلا باز سنیتا ولیمز نے خلا میں کل 62 گھنٹے چہل قدمی کر کے نیا عالمی ریکارڈ اپنے نام کر لیا ہے۔سنیتا نے سابق خلاباز پیگی وٹسن کے 60 گھنٹے 21 منٹ کے ریکارڈ کو پیچھے چھوڑ دیا ہے۔ یہ خبر بین الاقوامی خلائی اسٹیشن (آئی ایس ایس) نے ایکس پر ایک پوسٹ کے ذریعے شیئر کی ہے۔تفصیلات کے مطابق سنیتا خلائی اسٹیشن کے باہر موجود تھیں۔ اسپیس واک کے دوران، سنیتا کو آئی ایس ایس ہارڈویئر کو برقرار رکھنے اور مزید تجزیہ کے لیے ڈیسٹینی لیبارٹری اور کویسٹ ایئر لاک سے سطحی مواد کے نمونے جمع کرنے کا کام سونپا گیا تھا۔اسپیس واک صبح 8 بجے کے قریب شروع ہوئی۔ NASA نے یوٹیوب اور اس کی آفیشل ویب سائٹ پر بھی اس ایونٹ کو نمایاں کیا، جو تاریخ میں 92 ویں امریکی اسپیس واک کا نشان ہے۔