فیصل آباد میں ٹریفک کنٹرول کرنے کیلئے خواتین وارڈنز تعینات

فیصل آباد میں ٹریفک پولیس کی تاریخ میں پہلی بار خواتین وارڈنز بھی ٹریفک کنٹرول میں اپنا کردار ادا کریں گی۔اب مرد ٹریفک وارڈنز کے ساتھ ساتھ لیڈی ٹریفک وارڈنز بھی فیصل آباد کے اہم چوراہوں پر ٹریفک کنٹرول کرتی نظر آئیں گی۔ اس سلسلے میں مشقیں مکمل کرنے والی لیڈی وارڈنز کو تعینات کر دیا گیا ہے۔لیڈیز ٹریفک وارڈنز کا کہنا ہے کہ وہ ٹریفک کے نظم و ضبط کو بہتر بنانے کے لیے عملی میدان میں اتری ہیں، انہیں دیکھ کر خواتین ڈرائیورز کی بھی حوصلہ افزائی ہوگی۔فیصل آباد ٹریفک پولیس کی جانب سے اہم چوراہوں پر لیڈی وارڈنز کی تعیناتی سے ٹریفک کے نظام میں مزید بہتری کی توقع ہے۔