مائیکرو سافٹ، گوگل چیف نے کتنے ارب میں ٹیم خریدی؟

سلیکون ویلی کے ارب پتیوں نے انگلش دی ہنڈریڈ ایونٹ میں لندن اسپرٹ کو 145 ملین پاؤنڈز (یعنی پاکستانی روپے میں 15 ارب 58 کروڑ 42 لاکھ سے زائد) میں خریدا۔ میڈیا رپورٹس کے مطابق کنسورشیم میں مائیکرو سافٹ کے سربراہ ستیہ نڈیلا، گوگل کے چیف ایگزیکٹو سندر پچائی، میجر لیگ کرکٹ کے شریک بانی اور ٹام کے انٹرنیٹ کے وائس چیئرمین ستیان گجوانی، ٹیک ایگزیکٹو نکیش اروڑہ اور دیگر شامل ہیں۔ہنڈریڈ ٹیم لندن اسپرٹ میں 49% حصص کی بولی کی جنگ پالو آلٹو نیٹ ورکس کے نکیش اروڑا کے جیتنے کے بعد انگلش کرکٹ کو ملٹی ملین پاؤنڈ کا نقصان ہوا ہے۔ کرک انفو کی ایک رپورٹ میں کہا گیا ہے کہ کنسورشیم کی بولی ستیان گجوانی اور نکیش اروڑہ کی قیادت میں، کنسورشیم کے کل 11 ارکان ہیں۔.، جن میں سے 5 کا نام ابھی تک عوامی طور پر سامنے نہیں آیا ہے۔
اسی طرح میجر لیگ کرکٹ ٹیم واشنگٹن فریڈم نے ویلز فائر کے حصص 65 ملین پاؤنڈز میں خریدے۔ ایونٹ کے آغاز سے قبل انگلش کرکٹ بورڈ (ای سی بی) نے اعلان کیا تھا کہ وہ ہر ٹیم کے صرف 49 فیصد شیئرز فروخت کرے گا جبکہ 51 فیصد شیئرز اپنے پاس رکھے گا۔