کُرم میں جرگے کے ذریعے بڑے مسائل پر قابو پالیا گیا ہے: علی امین گنڈاپور

وزیراعلیٰ خیبرپختونخوا علی امین گنڈا پور کا کہنا ہے کہ کرم میں جرگے کے ذریعے بڑے مسائل پر قابو پالیا گیا ہے۔ انہوں نے کہا کہ حکومت نے کرم میں امن کے قیام کے لیے سنجیدہ اقدامات کیے ہیں، حکومت امن کی راہ میں رکاوٹ بننے والوں سے آہنی ہاتھوں سے نمٹے گی۔علی امین گنڈا پور کا کہنا ہے کہ کرم میں چند مقامات پر شرپسند ہیں جن کے سروں کی قیمت مقرر کی گئی ہے، شرپسندوں کے سروں کی قیمت مقرر کی گئی ہے تاکہ مسئلے کو جڑ سے ختم کیا جاسکے۔وزیراعلیٰ خیبرپختونخوا کا کہنا تھا کہ جرگے نے مسائل حل کیے ہیں، بہت سے چیلنجز ہیں تاہم ہر چیلنج کا مقابلہ کرنے کے لیے تیار ہیں۔ان کا مزید کہنا ہے کہ کرما سو سال سے زیادہ پرانا مسئلہ ہے جو وقتاً فوقتاً پیدا ہوتا رہا ہے۔علی امین گنڈا پور نے یہ بھی بتایا کہ کرم میں راشن کی چار بڑی کھیپیں پہنچائی گئی ہیں۔