صدر مملکت آصف زرداری کل 4 روزہ دورے پر چین روانہ ہوں گے

صدر آصف علی زرداری چار روزہ سرکاری دورے پر کل چین روانہ ہوں گے، انہیں ان کے چینی ہم منصب نے دعوت دی تھی۔ترجمان دفتر خارجہ کے مطابق صدر آصف علی زرداری کل سے 8 فروری تک چین کا سرکاری دورہ کریں گے، انہیں ان کے چینی ہم منصب شی جن پنگ نے چین آنے کی دعوت دی تھی۔اس دورے کے دوران صدر چینی ہم منصب اور وزیراعظم سمیت دیگر رہنماؤں سے ملاقاتیں کریں گے۔ ان ملاقاتوں میں پاک چین تعلقات کے تمام پہلوؤں پر تبادلہ خیال کیا جائے گا۔۔ترجمان کا کہنا ہے کہ صدر آصف علی زرداری دیگر سینئر چینی رہنماؤں اور قیادت سے بھی ملاقاتیں کریں گے، دورہ چین کے دوران سی پیک پر بات چیت کی جائے گی، انسداد دہشت گردی اور سیکیورٹی تعاون پر بھی بات ہوگی ترجمان دفتر خارجہ کے مطابق فریقین کثیرالجہتی فورمز پر دوطرفہ تعاون پر بات کریں گے۔ترجمان کا کہنا ہے کہ چینی حکومت کی خصوصی دعوت آصف علی زرداری کو چین کے شہر ہیلونگ جیانگ ہاربن میں نویں ایشین ونٹر گیمز کی تقریب میں بھی شرکت کریں گے، یہ پاکستان اور چین کے درمیان اعلیٰ سطح پر تبادلوں کی روایت کو خود کرتا ہے