فٹبال ورلڈکپ 2022 میں پاکستان سیالکوٹ کی تیار کردہ فٹبال “الرحلہ” استعمال کی جائے گی

دوحا: (ویب ڈیسک نیوز ) فیفا ورلڈ کپ کے عالمی مقابلے میں سیالکوٹ کا تیار کردہ فٹ بال استعمال ہوگا جسے “الرحلہ” کا نام دیا گیا ہے۔ الرحلہ بال کو قطر کی ثقافت کے مطابق ڈیزائن کیا گیا ہے.
تفصیلات کے مطابق پاکستان فٹبال ورلڈکپ کیلیے کوالیفائی نہیں کرتا لیکن میگا ایونٹ میں پاکستان کی نمائندگی نمایاں ہوتی ہے۔ ماضی کی طرح اس بار بھی عالمی کپ میں پاکستان کی بنی ہوئی فٹبالز استعمال کی جائیں گی جبکہ ٹورنامنٹ کے دوران سیکیورٹی کے فرائض کی ادائیگی میں پاکستان بھرپور کردار ادا کرےگا۔
یہ عرب سرزمین پر ہونے والے پہلا فٹ بال ورلڈکپ ہو گا۔ اہم ترین مقابلے کیلئے ٹیموں کی آمد جاری ہے۔ سپر اسٹار لیونل میسی عالمی چیمپئن بننے کی آخری امید لیے جمعرات کو ٹیم ارجنٹنیا کے ساتھ دوحا پہنچ گئے، ان کے بعد جرمن ٹیم نے لینڈنگ کی۔
منتظمین نے ایونٹ کیلئے سخت سیکورٹی اقدامات کیلئے ہیں۔
ملکی اور غیرملکی میڈیا کے مطابق پاکستان نے ورلڈ کپ میں سکیورٹی فراہم کرنے کیلئے ہزاروں فوجی بھیجے ہیں۔عالمی مقابلے میں سیالکوٹ کا تیار کردہ فٹ بال استعمال ہوگا جسے “الرحلہ” کا نام دیا گیا ہے۔ الرحلہ بال کو قطر کی ثقافت کے مطابق ڈیزائن کیا گیا ہے، اس کی تیاری میں ری سائیکلنگ میٹریل اور ماحول دوست پانی پر مبنی کیمیکل استعمال ہوا ہے۔ یہ بال 20پینلز پر مشتمل ہے اور اسے دنیا کے بہترین فٹ بال میں سے ایک قرار دیا گیا ہے۔ فیفا ورلڈ کپ 20نمبر سے شروع ہوگا۔ قطر میں ورلڈکپ کا جنون قطر میں سر چڑکر بولنے لگا ہے۔ قطری میڈیا کے مطابق ملکی اور غیرملکی شائقین کیلئے میلہ شروع ہوچکا ہے۔ فٹبال دیوانے سڑکوں پر ناچ رہے ہیں۔