صدر زرداری بلاول بھٹو کو شیروانی پہنانے کے خواہش مند ہیں: بیرسٹر سیف

خیبرپختونخوا کے مشیر اطلاعات بیرسٹر محمد علی سیف کا کہنا ہے کہ صدر زرداری بلاول بھٹو کو شیروانی پہنانے کے لیے تیار ہیں۔ایک بیان میں انہوں نے کہا کہ صدر زرداری کچھ عرصے سے بلاول بھٹو کو وزیراعظم بنانے کے مشن پر ہیں۔بیرسٹر سیف کا کہنا ہے کہ گورنر پنجاب نے بلاول بھٹو کے وزیراعظم بننے کی خبر کی تصدیق کر دی ہے۔انہوں نے کہا کہ دونوں سیاسی جماعتیں عوام کے مینڈیٹ سے کھیلنا بند کریں۔بیرسٹر سیف کا کہنا ہے کہ یہ جعلی حکمران جلد سلاخوں کے پیچھے ہوں گے اور پی ٹی آئی کے بانی وزیراعظم ہوں گے۔