امن کی خاطر یوکرین میں فوج بھیجنے کو تیار ہیں، برطانوی وزیر اعظم نے اعلان کردیا

برطانوی وزیر اعظم سر کیر اسٹارمر نے کہا ہے کہ وہ یوکرین کی سلامتی کو یقینی بنانے کے لیے امن معاہدے کے تحت برطانوی فوجیوں کو یوکرین میں تعینات کرنے کے لیے تیار ہیں۔وزیراعظم نے اس بات پر زور دیا کہ روس کے صدر ولادیمیر پوٹن کو مستقبل میں مزید جارحیت سے روکنے کے لیے یوکرین میں پائیدار امن ضروری ہے۔گزشتہ روز پیرس میں یورپی رہنماؤں کے ساتھ ہنگامی سربراہی اجلاس سے قبل کیر سٹارمر نے کہا کہ اگر ضرورت پڑی تو برطانیہ یوکرین میں فوج تعینات کرنے کے لیے تیار ہے۔انہوں نے کہا کہ یوکرین کی سلامتی کی ضمانت نہ صرف یوکرین کی سلامتی بلکہ پورے یورپ کی سلامتی کے لیے اہم ہے۔غیر ملکی میڈیا رپورٹس کے مطابق یوکرین کے زیر قبضہ اور روس کے زیر قبضہ علاقوں کی سرحد پر دیگر یورپی ممالک کے فوجیوں کے ساتھ برطانوی فوجی بھی تعینات کیے جا سکتے ہیں۔وزیراعظم نے مزید کہا کہ یوکرین کے ساتھ روس کی جنگ کا خاتمہ محض ایک عارضی وقفہ نہیں ہو سکتا بلکہ یوکرین کی مستقبل کی سلامتی کے لیے مستقل حل کی ضرورت ہے۔وزیراعظم کیئر سٹارمر کا یہ اعلان برطانوی فوج کے سابق سربراہ لارڈ ڈینٹ کے میڈیا کو انٹرویو دینے کے بعد سامنے آیا اور کہا کہ برطانوی فوج اتنی کمزور ہو چکی ہے کہ وہ مستقبل میں یوکرین میں کسی بھی امن مشن کی قیادت نہیں کر سکتی۔