پاکستان ٹیم کی سب سے بڑی کمزوری کیا ہے؟ سابق بھارتی کرکٹر کا بڑا دعویٰ

آکاش چوپڑا کا مزید کہنا تھا کہ آئی سی سی ایونٹس میں حالیہ خراب کارکردگی کی وجہ سے پاکستان چیمپئنز ٹرافی میں بھی دباؤ میں رہے گا۔آکاش چوپڑا نے کہا کہ پاکستانی ٹیم کا گراف کبھی اوپر جاتا ہے اور کبھی نیچے، وہ کم مستحکم ہیں۔ یہ ٹیم ان کے ملک کی طرح ہے جہاں اتار چڑھاؤ عام ہیں اور ان کی کرکٹ میں بھی یہی نظر آتا ہے۔سابق بھارتی کرکٹر کا مزید کہنا تھا کہ پاکستان ایک غیر متوقع ٹیم ہے اور دباؤ میں آکر ٹوٹنا ان کی بڑی کمزوری ہے۔ کیا پاکستان اس مشکل سے نکل سکے گا؟ یہ میرا بڑا سوال ہے کیونکہ وہ اس ٹورنامنٹ میں دباؤ میں ہوں گے۔واضح رہے کہ پاکستان اور نیوزی لینڈ کے درمیان چیمپئنز ٹرافی 2025 کا افتتاحی میچ بدھ 19 فروری کو نیشنل اسٹیڈیم کراچی میں کھیلا جائے گا۔سہ فریقی سیریز کے فائنل میں نیوزی لینڈ کے ہاتھوں حال ہی میں 5 وکٹوں سے ہارنے کے بعد میزبان ٹیم ٹورنامنٹ میں داخل ہو رہی ہے، اس سیریز میں جنوبی افریقہ بھی شامل تھا۔پاکستان نے کراچی میں جنوبی افریقہ کے خلاف 350 سے زائد رنز کا ہدف کامیابی سے حاصل کیا تھا تاہم اسی گراؤنڈ پر نیوزی لینڈ کے خلاف بیٹنگ کا فیصلہ کرتے ہوئے قومی ٹیم صرف 250 سے کم کے اسکور تک محدود رہی جسے کیویز نے باآسانی حاصل کرلیا۔