آرمی چیف کے قرآن سے متعلق علم و فہم پر پختونخوا کے علما کی تعریف

خیبرپختونخوا کے علمائے کرام نے آرمی چیف جنرل سید عاصم منیر کے علم اور قرآن فہمی کو سراہتے ہوئے انہیں خراج تحسین پیش کیا ہے۔آرمی چیف جنرل سید عاصم منیر نے پاکستان بھر کی یونیورسٹیوں کے طلباء سے خصوصی ملاقات کی، جس میں انہوں نے قرآن و حدیث کی روشنی میں بامعنی گفتگو کی۔ بعد ازاں علماء کرام نے آرمی چیف کے علم و فہم کی تعریف کی اور ان کے دلائل کی تائید کرتے ہوئے کہا کہ ہم ان کے شانہ بشانہ کھڑے ہیں۔جمعیت علمائے اسلام ف کے رہنما مولوی احمد شاہ نے کہا کہ آرمی چیف کا بیان انتہائی اطمینان بخش ہے اور ہم ان کے شانہ بشانہ کھڑے ہیں۔ مفتی حاکم علی نے کہا کہ خوارج سے متعلق قرآنی آیت کا حوالہ بالکل درست ہے۔اسی طرح مولانا شاہ نواز نے کہا کہ مذہبی فکر رکھنے والے ہم سب پاک فوج اور اپنے آرمی چیف کے شانہ بشانہ کھڑے ہیں۔ جنرل عاصم منیر نہ صرف قرآن کے حافظ ہیں بلکہ ایک باصلاحیت انسان بھی ہیں۔جمعیت علمائے اسلام کی جنرل کونسل کے رکن قاری افسر خان نے کہا کہ خوارج کے حوالے سے جنرل سید عاصم منیر کا موقف قابل فخر ہے، ہم اپنے آرمی چیف اور پاک فوج کے شانہ بشانہ کھڑے ہیں۔ جامعہ عربیہ معراج القرآن بنوں کے وائس چانسلر مفتی ڈاکٹر محمد زین العابدین نے کہا کہ سیکیورٹی فورسز کے جوان ہر روز اپنی جانوں کا نذرانہ پیش کررہے ہیں، نوجوان نسل کو بھی پاک فوج کا بھرپور ساتھ دینا چاہیے۔یو آئی آئی محمد اسرار قریشی نے کہا کہ جنرل عاصم منیر کی بات پر متفق ہیں، زمین پر جتنے بھی فسادات کرنے والے ہیں، ان پر اللہ اور اس کے رسول کی لعنت ہے۔ ڈیرہ اسماعیل خان نے محمد واجد فاروقی نے کہا کہ آرمی چیف کی حمایت کرنا چاہتے ہیں کہ جو پاکستان کی زمین پر فساد پھیلانا چاہتے ہیں، ان کے خلاف کارروائیاں کیں۔حافظ محمد سعید نے کہا کہ طالب علم کے خطاب پر انہیں خراج تحسین پیش کرتا ہے۔ مولانا شعیب شاہ کا کہنا تھا کہ جنرل سید عاصم منیر نے طالب علم کے ساتھ جو بیان دیا، ہم اس سے مکمل طور پر اتفاق کرتے ہیں۔مفتی محمد نے کہا کہ جنرل عاصم منیر مؤقف کی پوری طرح حمایت کرتے ہیں اور دہشت گردی اور ملک کے خلاف بغاوت کو مسترد کرتے ہیں۔