افغانستان سے پاکستان میں مسلسل دراندازی ہو رہی ہے: وزیرِ خارجہ اسحاق ڈار

نائب وزیراعظم اسحاق ڈار کا کہنا ہے کہ افغانستان سے پاکستان میں مسلسل دراندازی ہو رہی ہے، دہشت گرد افغان سرزمین کو اپنے مذموم مقاصد کے لیے استعمال کر رہے ہیں۔اسحاق ڈار نے او آئی سی گروپ کے اجلاس سے خطاب کرتے ہوئے کہا کہ افغان عبوری حکومت اپنی سرزمین پاکستان کے خلاف استعمال ہونے سے روکے۔انہوں نے کہا کہ کنٹرول لائن عبور کر کے آزاد کشمیر پر قبضہ کرنے کی دھمکیاں دی جا رہی ہیں، بھارت مقبوضہ کشمیر کے مسلم اکثریتی علاقوں کو ہندو اکثریتی علاقوں میں تبدیل کرنے کی کوشش کر رہا ہے۔وفاقی وزیر کا کہنا ہے کہ مسئلہ فلسطین کا واحد حل اقوام متحدہ کی قراردادوں کے مطابق ہونا چاہیے، اسرائیل اور اس کے حامیوں کو غزہ میں دوبارہ لڑائی سے روکنا ہوگا۔نائب وزیر اعظم نے کہا کہ مغربی ساحلی اسرائیل میں پُرتشد اور بے دخلی کو ختم کرنے کے لیے اقدامات ضروری ہیں، اسرائیل کی جانب سے جنوبی لبنان میں عسکری کارروائیاں جاری رکھنے کے خلاف مہم جاری ہے۔