چیمپئنز ٹرافی کا پہلا میچ: 321 رنز کے تعاقب میں پاکستان مشکلات کا شکار، 3 وکٹوں پر 119 رنز

آئی سی سی چیمپئنز ٹرافی کے افتتاحی میچ میں نیوزی لینڈ کے خلاف ہدف کے تعاقب میں پاکستان کی بیٹنگ جاری ہے۔ پاکستان نے 30.4 اوورز میں 4 وکٹوں کے نقصان پر 127 رنز بنائے۔اس سے قبل کراچی کے نیشنل بینک اسٹیڈیم میں کھیلے جارہے میچ میں نیوزی لینڈ نے مقررہ 50 اوورز میں 5 وکٹوں کے نقصان پر 320 رنز بنائے۔میچ میں نیوزی لینڈ کا آغاز اچھا نہ رہا اور تین کھلاڑی 73 رنز پر پویلین لوٹ گئے، ڈیون کونوے اور ڈیرل مچل 10، 10 جبکہ کین ولیمسن ایک رن بنا کر وکٹ گنوا بیٹھے۔ول ینگ اور ٹام لیتھم کے درمیان چوتھی وکٹ کے لیے 118 رنز کی شراکت قائم ہوئی جس کے بعد ول ینگ 107 رنز کی شاندار اننگز کھیلنے کے بعد آؤٹ ہوئے۔ول ینگ کے آؤٹ ہونے کے بعد ٹام لیتھم اور گلین فلپس نے بھی 125 رنز کی طویل شراکت قائم کی۔ گلین فلپس 49.4 اوورز میں 61 رنز بنا کر آؤٹ ہوئے۔پاکستان کی جانب سے حارث رؤف اور نسیم شاہ نے دو دو جبکہ ابرار احمد نے ایک وکٹ حاصل کی۔قومی ٹیم کے کپتان محمد رضوان نے ٹاس جیت کر پہلے فیلڈنگ کا فیصلہ کیا۔ انہوں نے کہا کہ وہ مہمان ٹیم کے خلاف بہتر کھیلنے کی کوشش کریں گے اور ٹورنامنٹ کا آغاز جیت کے ساتھ کریں گے۔اس موقع پر نیوزی لینڈ کے کپتان مچل سینٹنز کا کہنا تھا کہ میچ میں فتح کے لیے پر امید ہیں، کوشش کریں گے کہ میزبان پاکستان کے خلاف بڑا ہدف رکھ کر دباؤ میں رکھیں۔پاکستان اسکواڈ:کپتان محمد رضوان، بابراعظم، فخر زمان، سعود شکیل، سلمان علی آغا، طیب طاہر، خوشدل شاہ، شاہین شاہ آفریدی، نسیم شاہ، حارث رؤف اور ابرار احمدنیوزی لینڈ کا اسکواڈ:کپتان میچل سینٹنر، ول ینگ، ڈیون کونوے، کین ولیمسن، ڈیرل مچل، تام لیتھم، گلین فلپس، مائیکل بریسویل، میٹ ہنری، نیتھن اسمتھ اور ول او آرک