پاک بھارت ٹاکرا، پاکستان کرکٹ ٹیم آج دبئی روانہ ہوگی

قومی کرکٹ ٹیم آئی سی سی چیمپئنز ٹرافی میں اپنے دوسرے میچ کے لیے آج دبئی روانہ ہوگی۔پاکستان کرکٹ ٹیم آج سہ پہر کراچی سے دبئی کے لیے روانہ ہوگی اور کل ٹریننگ سیشن میں حصہ لے گی۔چیمپئنز ٹرافی: پاکستان کا مایوس کن آغاز، نیوزی لینڈ کے ہاتھوں شکست پاکستان اور بھارت کے درمیان چیمپئنز ٹرافی کا سب سے بڑا میچ 23 فروری کو دبئی میں کھیلا جائے گا۔دوسری جانب بھارت اور بنگلہ دیش کی ٹیمیں آج دبئی میں آمنے سامنے ہوں گی۔آئی سی سی چیمپئنز ٹرافی کے تمام میچز جیو سوپر کے ذریعے براہ راست ٹیلی کاسٹ کیے جائیں گے۔واضح رہے کہ گزشتہ روز چیمپئنز ٹرافی کے پہلے میچ میں نیوزی لینڈ نے دفاعی چیمپئن اور ایونٹ کی میزبان پاکستانی ٹیم کو 60 رنز سے شکست دی تھی۔