معیشت درست سمت میں جارہی، پاکستان ترقی کی جانب گامزن ہے: محمد اورنگزیب

وفاقی وزیر خزانہ محمد اورنگزیب نے کہا ہے کہ ملکی معیشت درست سمت میں جا رہی ہے، پاکستان ترقی کی جانب گامزن ہے۔ اسلام آباد میں تقریب سے خطاب کرتے ہوئے وفاقی وزیر خزانہ محمد اورنگزیب نے کہا کہ معاشی بحالی کے لیے اقدامات کر رہے ہیں، اصلاحات سے ٹیکس وصولیوں میں اضافہ ہوا ہے، پاکستان ترقی کی راہ پر گامزن ہے، حکومت معیشت کے تمام شعبوں میں اصلاحات کر رہی ہے۔انہوں نے کہا کہ وزیراعظم شہباز شریف اور ان کی ٹیم معاشی استحکام کے لیے پرعزم ہے، رائٹ سائزنگ کے لیے مکمل پلان تیار کر لیا ہے، اداروں کے تمام معاملات کو دیکھ کر رائٹ سائزنگ کی جائے گی، نجکاری کے عمل کو مزید شفاف بنائیں گے۔ محمد اورنگزیب نے کہا کہ حکومتی اخراجات میں کمی کے لیے اقدامات کر رہے ہیں، ہم اپنے معاشی اہداف سے آگاہ ہیں، صوبائی حکومتیں زرعی ٹیکس پر کام کر رہی ہیں۔پالیسی ریٹ میں کمی ہو رہی ہے، پالیسی میں سرمایہ کاری سے کمی ہو رہی ہے اور کاروباری برادری کو فائدہ ہو رہا ہے، ملک بیجا مراعات کا متحمل نہیں ہو سکتا۔