چیف جسٹس یحییٰ آفریدی سے پی ٹی آئی وفد کی ملاقات آج ہوگی

پاکستان تحریک انصاف کا وفد آج چیف جسٹس آف پاکستان جسٹس یحییٰ آفریدی سے ملاقات کرے گا۔ذرائع کے مطابق اجلاس چیف جسٹس ہاؤس اسلام آباد میں ہوگا جس میں اپوزیشن کا وفد چیف جسٹس کو نظام انصاف کی بہتری کے حوالے سے تجاویز دے گا۔اپوزیشن وفد سے قبل وزیراعظم شہباز شریف کی سربراہی میں حکومتی وفد نے بھی چیف جسٹس سے ملاقات کی ہے۔واضح رہے کہ چیف جسٹس انصاف کی فراہمی کو بہتر بنانے کے لیے نیشنل جوڈیشل پالیسی میکنگ کمیٹی کے حوالے سے تمام اسٹیک ہولڈرز سے ملاقاتیں کر رہے ہیں۔سپریم کورٹ بار نے بھی چیف جسٹس کو اصلاحاتی عمل میں مکمل تعاون کی یقین دہانی کرائی ہے۔ انہوں نے کہا ہے کہ انصاف کی فراہمی میں تعاون پر وزیراعظم اور اپوزیشن رہنماؤں کی جانب سے چیف جسٹس کی کوششوں کو سراہتے ہیں۔گزشتہ روز چیف جسٹس یحییٰ آفریدی نے ہزارہ ڈویژن کے سینئر وکلاء سے بھی ملاقات کی۔ چیف جسٹس نے وفد کا خیرمقدم کیا اور انصاف تک رسائی کو مضبوط بنانے کے لیے اپنے ہزارہ ڈویژن کے دور دراز علاقوں کا دورہ کرنے کا اعلان کیا۔