اپوزیشن جماعتوں کا حکومت مخالف اتحاد کو مزید وسعت دینے کا فیصلہ

اپوزیشن جماعتوں نے حکومت مخالف اتحاد کو مزید وسعت دینے کا فیصلہ کیا ہے اور اس سلسلے میں اپوزیشن گرینڈ الائنس کے اہم رابطے اور ملاقاتیں جاری ہیں۔اپوزیشن قیادت سندھ میں بھی دھرنا دے گی۔ تحریک تحفظ عین پاکستان کی قیادت آج سندھ روانہ ہوگی۔ سندھ کے تین روزہ دورے کے دوران گرینڈ الائنس کی اہم ملاقاتیں طے ہیں۔اپوزیشن اتحاد جی ڈی اے کی قیادت سے ملاقات کرے گا جبکہ اپوزیشن لیڈر جے سندھ کے سربراہ ایاز پلیجو سے حیدرآباد میں ملاقات کریں گے۔ اپوزیشن اتحاد کے وفد میں محمود اچکزئی، اسد قیصر، صاحبزادہ حامد رضا، اخونزادہ حسین، بی این پی مینگل اور ایم ڈبلیو ایم کے رہنما شریک ہوں گے جب کہ سیکرٹری جنرل پاکستان تحریک انصاف سلمان اکرم راجہ بھی اپوزیشن رہنماؤں کے وفد میں شامل ہوں گے۔سندھ کے تین روزہ دورے کے دوران اپوزیشن اتحاد تاجر برادری اور بار ایسوسی ایشن سے بھی ملاقات کرے گا جب کہ وفد کی پی ٹی آئی کراچی کے عہدیداروں سے بھی ملاقات طے ہے، اس کے علاوہ اپوزیشن لیڈر صحافی برادری سے بھی ملاقاتیں کریں گے۔