زنک ایک ایسی معدنیات ہے جس کی ہمارے جسم کو بہت زیادہ ضرورت ہے، اس کی کمی بہت سے مسائل کا باعث بن سکتی ہے، لہٰذا تھوڑی احتیاط کریں۔آئیے آپ کو بتاتے ہیں کہ کون کون سی غذائیں استعمال کرکے آپ اپنے جسم میں زنک کی کمی کو دور کر سکتے ہیں۔
ماہرین صحت کا کہنا ہے کہ ہمارے جسم کو صحت مند رکھنے کے لیے بہت سے اہم غذائی اجزاء کی ضرورت ہوتی ہے۔ اگر ان میں سے کسی ایک کی بھی کمی ہو جائے تو صحت کو بہت نقصان پہنچ سکتا ہے۔ ان میں سے ایک زنک ہے۔
زنک کی وجہ سے جسم کو بہت سے فوائد حاصل ہوتے ہیں، جیسے کہ بلڈ شوگر لیول کو کنٹرول کرنا، قوت مدافعت بڑھانا اور زخموں کو ٹھیک کرنا وغیرہ۔زنک کی کمی سے ہمارے جسم میں تبدیلیاں آنا شروع ہو جاتی ہیں اور اس ضرورت کو پورا کرنے کے لیے ہمیں خوراک میں ایسی اشیا شامل کرنا ضروری ہے جو اس معدنیات کی کمی کو دور کر سکیں۔
تربوز کے بیج
ہم عموماً تربوز کو بڑے شوق سے کھاتے ہیں لیکن اکثر اس رسیلے پھل کے بیجوں کو کوڑے دان میں پھینک دیتے ہیں لیکن اگر آپ کو اس کے فوائد معلوم ہوں تو آپ ایسا بالکل نہیں کریں گے۔ اس پھل کے بیج میں زنک بہت زیادہ پایا جاتا ہے۔ جس کی وجہ سے قوت مدافعت میں اضافہ ہوتا ہے اور بلڈ شوگر لیول بھی برقرار رہتا ہے۔ اس کے لیے تربوز کے بیجوں کو دھو کر دھوپ میں خشک کریں اور اپنی خوراک میں شامل کریں۔
لہسن
لہسن ایک ایسا مصالحہ ہے جو گھروں میں بڑے پیمانے پر استعمال ہوتا ہے۔ اس میں زنک، وٹامن اے، وٹامن بی اور وٹامن سی کے علاوہ کیلشیم، میگنیشیم، آیوڈین، آئرن اور پوٹاشیم پائے جاتے ہیں۔ خیال رہے کہ لہسن کا اثر گرم ہوتا ہے اس لیے گرمی کے موسم میں اسے محدود مقدار میں کھانا چاہیے۔
انڈے کی زردی
انڈے ایک ایسی چیز ہے جسے ہم اکثر ناشتے میں کھاتے ہیں لیکن خاص طور پر جم جانے والے لوگ اس کے پیلے حصے یعنی زردی کو کھانے سے گریز کرتے ہیں لیکن آپ کو یاد رکھنا ہوگا کہ زردی زنک کا بھرپور ذریعہ ہے۔ اس میں زنک کے علاوہ وٹامنز بھی شامل ہیں۔ اس میں B12، تھامین، وٹامن B6، فولیٹ، پ ینتھونک ایسڈ، کیلشیم، آئرن اور فاسفورس بھی پائے جاتے ہیں۔
