قومی کرکٹ ٹیم کے کپتان بابراعظم کو ستارہ امتیاز سے نوازا گیا۔عزاز حاصل کرنے والے کم عمر ترین کھلاڑی بن گئے

لاہور: (انمول نیوز) قومی کرکٹ ٹیم کے کپتان بابراعظم کو بہترین کارکردگی اور نمایاں خدمات کے اعتراف میں پاکستان کے اعلیٰ سول اعزاز ستارہ امتیاز سے نواز دیا گیا ہے۔

یوم پاکستان کی تقریب کے موقع پر قومی کرکٹ ٹیم کے کپتان بابراعظم کو ستارہ امتیاز سے نوازا گیا۔ وہ یہ اعزاز حاصل کرنے والے کم عمر ترین کھلاڑی ہیں۔ بابراعظم افغانستان کے خلاف سیریز کا حصہ نہیں ہیں ، اس لیے انہوں نے 23 مارچ کو منعقدہ تقریب میں شرکت کی۔ گورنر پنجاب بلیغ الرحمان نے قومی کپتان کو اس اعزاز سے نوازا۔

اس سے قابل مصباح الحق، یونس خان، شاہد آفریدی اور سرفراز احمد سمیت چار سابق کپتانوں کو کرکٹ میں ان کی شاندار خدمات پر ملک کے تیسرے بڑے سول اعزاز سے نوازا گیا ہے۔

ان سے پہلے صرف 4 دیگر کرکٹرز کو ان کی شاندار کھیلوں کی کامیابیوں پر ستارہ امتیاز کا ایوارڈ ملا تھا، ان میں 2011 میں محمد یوسف، 2015 میں سعید اجمل، 1992 میں جاوید میانداد اور 2005 میں انضمام الحق شامل ہیں۔

اس سے قبل پاکستان کے سابق کپتان سرفراز احمد ستارہ امتیاز حاصل کرنے والے سب سے کم عمر پاکستانی کرکٹر تھے۔