سپین میں شدید خشک سالی ۔ قدیم گاؤں کے کھنڈرات سیاحوں کی توجہ کا مرکز بن گئے

بارسلونا: (ویب ڈیسک) سپین میں شدید خشک سالی کے باعث ڈیموں کا پانی خشک ہونے لگا، برسوں پہلے پانی میں ڈوبنے والے علاقے منظر عام پر آنے لگے ہیں۔
سپین کے ایک ڈیم میں پانی کی سطح کم ہونے سے پورا گاؤں ابھر کر سامنے آگیا جو کئی سال پہلے ڈیم کے پانی میں ڈوب چکا تھا۔ قدیم گاؤں کے کھنڈرات سیاحوں کی توجہ کا مرکز بن گئے، گاؤں کے مکانات کی دیواریں اپنی جگہ قائم ہیں لیکن چھتیں اڑ چکی ہیں۔
یاد رہے کہ اس سے پہلے سربیا میں دریائے ڈینیوب کا پانی کم ہونے سے دوسری جنگ عظم کے دوران ڈوبنے والے جرمن سمندری جہازوں کے ملبے منظر عام پر آگئے تھے۔

اس خبر پر اپنی رائے کا اظہار کریں