اسلام آباد: چیئرمین پاکستان تحریک انصاف (پی ٹی آئی) عمران خان کا خاتون جج زیبا چوہدری سے متعلق کہے گئے الفاظ پر چیئرمین تحریک انصاف عمران خان نے افسوس کا اظہار کیا ہے۔
تفصیلات کے مطابق سابق وزیراعظم عمران خان نے اسلام آباد ہائی کورٹ میں توہین عدالت سے متعلق کیس میں نیا تحریری جواب جمع کرادیا۔
تحریری جواب میں تحریکِ انصاف کے سربراہ عمران خان نے خاتون جج زیبا چوہدری سے متعلق اپنے الفاظ پر گہرے افسوس کا اظہارکیا ہے۔
تحریری جواب میں عمران خان نے کہا کہ غیرارادی طور پر منہ سے نکلے الفاظ پر گہرا افسوس ہے۔ جج زیبا چوہدری کے جذبات مجروح کرنا مقصد نہیں تھا۔
سابق وزیراعظم نے تحریری جواب میں کہا کہ جج زیبا چوہدری کے جذبات مجروح ہوئے اس پر گہرا افسوس ہے۔
