ٹویٹرپر”بلیوٹک”لینا ہے توقیمت بھی دینا ہوگی،ایلون مسک نے ٹویٹر کی پالیسی میں تبدیلی کردی ہے ، اب “بلیوٹک” والے صارفین کو ماہانہ 8ڈالر یعنی (17 سو سے زائد پاکستانی روپے) ماہانہ فیس ادا کرنا ہوگی۔
ٹوئٹر کا انتظام سنبھالنے کے بعد ایلون مسک کی جانب سے سماجی رابطے کی ویب سائٹ ٹوئٹر میں متعدد تبدیلیاں کی گئی ہیں جس طرح ٹوئٹر کے بورڈ آف ڈائریکٹرز کو کمپنی سے باہر نکال دیا گیا اس کے علاوہ مختلف رپورٹس کے مطابق ملازمین کی چھانٹی پر بھی غور کیا جارہا ہے۔
اس کے ساتھ ساتھ ٹوئٹر کے وہ صارفین جن کے اکاؤنٹ ویری فائیڈ ہیں ان کے حوالے سے بھی پالیسی میں تبدیلی لانے پر کام کررہے تھے تاہم اب ایلون مسک نے یہ اعلان کر دیا ہے کہ ٹوئٹر کے ویری فائیڈ اکاؤنٹ والے صارفین کو 8 ڈالر ماہانہ فیس ادا کرنا ہوگی۔
ایلون مسک کا ٹوئٹ میں کہنا تھا کہ بلو ٹک کا نشان ہونےکا موجودہ نظام فضول ہے، نیا منصوبہ ٹوئٹرکو مواد تخلیق کرنے والوں کو دینے کے لیے آمدنی کا سلسلہ بنے گا۔
