وفاقی وزیر اطلاعات، ن لیگ کی رہنما مریم اورنگزیب نے سماجی رابطے کی ویب سائٹ ٹویٹر پر ٹویٹ کرتے ہوئے تصدیق کی ہے کہ وزیراعظم شہباز شریف کو کورونا پازیٹو ہوگئے ہیں۔ دو روز سے طبیعت ناساز تھی۔ ڈاکٹر کے مشورے سے آج کرونا ٹیسٹ کروایا گیا عوام اور کارکنان سے وزیراعظم کی جلد صحت یابی کی دعا کی اپیل ہے۔
شہباز شریف کو بھی پہلے بھی کرونا ہو چکا ہے، انہوں نے کرونا کی ویکسی نیشن بھی کروائی ہوئی ہے، تا ہم اب دوسری بار انہیں کرونا ہوا ہے، شہباز شریف ابھی کل لندن سے واپس پہنچے ہیں، لندن میں انکی نواز شریف، مریم نواز سے ملاقاتیں ہوئی تھیں، شہباز شریف کی طبیعت لندن میں ہی خراب ہو گئی تھی، طبیعت کی خرابی کی وجہ سے شہباز شریف نے ایک روز لیٹ سفر کیا تھا،
دوسری جانب ملک بھر میں 24 گھنٹوں کے دوران 4191 کورونا ٹیسٹ کیے گئے ، مثبت شرح 0.76 فیصد رہی. نیشنل انسٹیٹیوٹ آف ہیلتھ ( این آئی ایچ) کی جانب سے جاری اعدادوشمار کے مطابق گزشتہ 24 گھنٹوں کے دوران 4 ہزار 191 کورونا ٹیسٹ کیے گئے جن میں سے 32 افراد کے کورونا ٹیسٹ مثبت آئے ہیں۔اس طرح اس مدت میں مثبت کورونا ٹیسٹ کی شرح 0.76 فیصد رہی ہے۔ مزید برآں اس دوران کورونا وائرس سے کوئی مریض جاں بحق نہیں ہوا جبکہ 48 مریضوں کی حالت تشویشناک ہے۔
