3 دنوں میں ہونیوالی تکلیف کے لیے معذرت خواہ ہیں، وزیرداخلہ کا ایکس پر پیغام

وفاقی وزیر داخلہ محسن نقوی نے سوشل میڈیا پلیٹ فارم ایکس پر اپنے پیغام میں کہا ہے کہ ‘پاکستان میں زندگی معمول پر آگئی ہے۔’ ایکسچینج ایک بار پھر مثبت رجحانات دکھا رہا ہے، ہم گزشتہ 3 دنوں میں ہونے والی زحمت کے لیے معذرت خواہ ہیں۔ وزیر داخلہ محسن نے اسلام آباد کو مظاہرین سے کلیئر کرنے کے بعد کہا۔کہ شہریوں کو مظاہرین سے بچانے کے لیے اقدامات ضروری تھے۔ واضح رہے کہ پی ٹی آئی کا احتجاج ختم ہونے کے بعد جڑواں شہروں اور لاہور میں معمولات زندگی اور انٹرنیٹ سروس بحال ہوگئی ہے، اسلام آباد میں زندگی معمول پر آگئی ہے اور سڑکیں کھول دی گئی ہیں۔ فیض آباد فلائی اوور اور مری روڈ سے رکاوٹیں ہٹانے کا کام جاری تھا تاہم چار روز سے بند موٹرویز کو بھی ہر قسم کی ٹریفک کے لیے کھول دیا گیا ہے۔ سی ڈی اے علاقے کی صفائی کا کام کر رہا ہے۔